வேலையில்லா பட்டதாரி 2: கஜோல் பணிகள் நிறைவு! (படங்கள்)

வேல்ராஜ் இயக்கத்தில் தனுஷ் நடித்த வேலையில்லா பட்டதாரி படம் சிலவருடங்களுக்கு முன்பு வெளிவந்து சூப்பர் ஹிட் ஆனது. இப்போது இதன் அடுத்தப் பாகம் தயாராகிவருகிறது. 

தாணு மற்றும் தனுஷ் தயாரிப்பில் உருவாகும் இந்தப் படத்தை செளந்தர்யா ரஜினிகாந்த் இயக்கிவருகிறார். வேலையில்லா பட்டதாரி பாகம் 2 படத்தில் தனுஷ், அமலா பால், கஜோல் போன்றோர் நடிக்கிறார்கள். கஜோலுக்குத் தொழிலதிபர் வேடம்.

கஜோல் தன்னுடைய காட்சிகள் அனைத்தையும் நடித்துக்கொடுத்து விட்டார். அவர் படப்பிடிப்பில் இரண்டு வாரங்கள் கலந்துகொண்டார். மிகவும் மகிழ்ச்சியுடன் படப்பிடிப்பில் பங்கேற்றார் என்று படக் குழுவினர் தகவல் தெரிவிக்கிறார்கள்.