யூடியூப் பார்வைகள்: கபாலியை மிஞ்சிய விவேகம் டீசர்!

இன்று யூடியூப்பில் ஒரு படத்தின் டீசர், டிரெய்லரை எத்தனை பேர் எத்தனை மணி நேரத்தில் பார்க்கிறார்கள் என்பதுகூட படத்துக்குத் தனி விளம்பரமாக அமைந்துவிடுகிறது.  

கபாலி படத்தின் டீசர் 24 மணி நேரத்தில் 50 லட்சம் பார்வைகளை அடைந்தது. அதுவே தமிழ்ப் படங்களில் உச்சபட்ச சாதனையாக இருந்தது.

இப்போது அந்தச் சாதனையை விவேகம் முறியடித்துள்ளது. 12 மணி நேரத்தில் 50 லட்சம் பார்வைகளை அடைந்துள்ளது. இதனால் கபாலியின் சாதனையை விவேகம் தாண்டியுள்ளது. தற்போது, டீசர் வெளியான 40 மணி நேரத்தில் 72 லட்சம் பார்வைகளைப் பெற்றுள்ளது விவேகம் டீசர்.

இந்தியாவில் நாளுக்கு நாள் கைபேசியைப் பயன்படுத்துபவர்கள் மற்றும் இணையம் பயன்படுத்துபவர்களின் எண்ணிக்கை அதிகமாவதால் இதுபோன்ற சாதனைகளை அடுத்தடுத்து வருகிற படங்கள் சுலபமாகத் தாண்டிவிடும் என்றே தெரிகிறது.