உன்னைத் தனிமைப்படுத்தினால்...: காயத்ரி ரகுராம் மீது நடிகை ரித்விகா சாடல்!

காயத்ரி ராகுராமுக்கு எதிரான இந்தக் கருத்து சமூகவலைத்தளத்தில் கவனம் பெற்றுள்ளது... 
உன்னைத் தனிமைப்படுத்தினால்...: காயத்ரி ரகுராம் மீது நடிகை ரித்விகா சாடல்!

விஜய் டிவியில் ஒளிபரப்பாகும் பிக் பாஸ் நிகழ்ச்சியில் நடிகை ஓவியா ரசிகர்களின் வரவேற்பைப் பெற்றுள்ளார். தனக்குத் தோன்றியதைச் செய்தும் பேசியும் வருவதால் அவருக்கென நாளுக்கு நாள் ரசிகர் கூட்டம் அதிகமாகிக்கொண்டு வருகிறது. இந்நிலையில் கடந்த சில நாள்களாக இந்நிகழ்ச்சியில் ஓவியாவுக்கும் காயத்ரி-நமீதா ஆகியோருக்கும் இடையே ஏராளமான கருத்துமோதல்கள் உருவாகிவருகின்றன. இது தற்போது உச்சக்கட்டத்தை அடைந்துள்ளது.

பரணி போல ஓவியாவும் இந்த நிகழ்ச்சியில் தனிமைப்படுத்தப்பட்டுள்ளார். நேற்றைய பிக் பாஸ் நிகழ்ச்சி, ஓவியா ரசிகர்களிடையே கடும் கொந்தளிப்பை ஏற்படுத்தியது. ஓவியாவுக்கு ஆதரவாகவும் காயத்ரி ராகுராம், நமீதா, ஜூலி, சக்தி ஆகியோருக்கு எதிராக ஏராளமான பதிவுகள் எழுதப்பட்டுள்ளன.

இந்நிலையில் தன்னுடைய ட்விட்டர் பக்கத்தில் ஓவியாவுக்குப் பாராட்டுகளை வெளிப்படுத்திய நடிகை ரித்விகா, அடுத்ததாக, காயு... உன்ன தனிமை படுத்தினா நீ செத்துருவ #பிக்பாஸ் என்று ட்வீட் வெளியிட்டுள்ளார். மெட்ராஸ், கபாலி போன்ற படங்களில் நடித்துக் கவனம் பெற்றவர், ரித்விகா.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com