தங்கம் வென்ற சதீஷ் சிவலிங்கத்தை நேரில் பாராட்டிய சிவகார்த்திகேயன்!

சகோதரர் சிவகார்த்திகேயனுக்கு, உங்களுடைய அருமையான பரிசுக்கு நன்றி என்று கூறியுள்ளார்...

Updated On :23 ஏப்ரல் 2018, 8:40 am

ஆஸ்திரேலியாவில் நடைபெற்ற காமன்வெல்த் போட்டியில் 77 கிலோ எடைப்பிரிவினருக்கான பளு தூக்கும் போட்டியில் வேலூரைச் சேர்ந்த சதீஷ்குமார் சிவலிங்கம் 2-வது முறையாக தங்கப்பதக்கம் வென்றார்.

இந்நிலையில் சதீஷ் சிவலிங்கத்தை நேரில் அழைத்துப் பாராட்டியுள்ளார் நடிகர் சிவகார்த்திகேயன். இதுபற்றி சதீஷ் ட்விட்டரில் கூறியதாவது:

அருமையான மனிதரைச் சந்தித்தேன். என்னுடைய காமன்வெல்த் பதக்கத்துடன் அவரைச் சந்தித்ததில் மகிழ்ச்சி. அவருடைய கனிவான வார்த்தைகள் என்னை மேலும் ஊக்கப்படுத்தியுள்ளன. அவருடைய கடுமையான உழைப்பிலான பணிகளை நான் வியந்துள்ளேன். கொண்டாடியுள்ளேன். சகோதரர் சிவகார்த்திகேயனுக்கு, உங்களுடைய அருமையான பரிசுக்கு நன்றி என்று கூறியுள்ளார்.