பேட்ட படத்தில் குத்துப் பாட்டு: ஒலிப்பதிவின் ஒரு பகுதி விடியோவாக வெளியீடு!

கார்த்திக் சுப்புராஜ் இயக்கத்தில் ரஜினி நடிக்கும் படத்தை சன் பிக்சர்ஸ் தயாரிக்கிறது. விஜய் சேதுபதி, சிம்ரன், த்ரிஷா, சசிகுமார், நவாசுதீன் சித்திக் போன்றோரும் இப்படத்தில் முக்கிய வேடங்களில் நடித்துள்ளார்கள். இசை - அனிருத். பேட்ட படம் பொங்கலுக்கு வெளியாகும் என அதிகாரபூர்வமாக அறிவித்துள்ளது சன் பிக்சர்ஸ். 

டிசம்பர் 9 அன்று பாடல்கள் வெளியிடப்படும் என்று அறிவித்த நிலையில் இன்று இப்படத்தில் இடம்பெற்றுள்ள மரண மாஸ் என்கிற பாடல் வெளியாகவுள்ளது. விவேக் எழுதியுள்ள இப்பாடலை எஸ்பிபி-யும் அனிருத்தும் பாடியுள்ளார்கள்.

இதற்கு அடுத்ததாக 7-ம் தேதி 2-வது பாடல் வெளியிடப்படுகிறது. இதனால், முழுப் பாடல்களின் வெளியீட்டுக்கு முன்பு இரு பாடல்கள் வெளியாகவுள்ளன. 

இந்நிலையில் மரண மாஸ் பாடல் ஒலிப்பதிவு செய்த விதத்தை விடியோவாக வெளியிட்டுள்ளது சன் பிக்சர்ஸ் நிறுவனம்.