இந்தியன் 2 படத்துக்குப் பிறகு நடிக்கப் போவதில்லை: கமல் அறிவிப்பு

இந்தியன் 2 படத்துக்குப் பிறகு தான் நடிக்கப் போவதில்லை என்று கமல் ஹாசன் கூறியுள்ளார்.

கேரளா சென்ற கமல் ஹாசன் அங்குச் செய்தியாளர்களிடம் கூறியதாவது:

2019 நாடாளுமன்றத் தேர்தலில் மக்கள் நீதி மய்யம் தமிழ்நாட்டில் போட்டியிடுகிறது. இதனால், தற்போது நடிக்கவுள்ள இந்தியன் 2 படத்துக்குப் பிறகு நடிப்பிலிருந்து விலகிவிடுவேன். இந்தியன் 2 படப்பிடிப்பு டிசம்பர் 14 முதல் தொடங்குகிறது என்று கூறியுள்ளார். எனினும் தன் தயாரிப்பு நிறுவனம் சார்பாகத் தொடர்ந்து படங்கள் தயாரிக்கவுள்ளதாக அவர் கூறியுள்ளார்.