தணிக்கையில் யு/ஏ: பொங்கல் வெளியீட்டுக்குத் தயாராகி வரும் ரஜினியின் ‘பேட்ட’

கார்த்திக் சுப்புராஜ் இயக்கத்தில் ரஜினி நடித்துள்ள பேட்ட படத்தை சன் பிக்சர்ஸ் தயாரித்துள்ளது. விஜய் சேதுபதி, சிம்ரன், த்ரிஷா, சசிகுமார், நவாசுதீன் சித்திக் போன்றோரும் இப்படத்தில் முக்கிய வேடங்களில் நடித்துள்ளார்கள். இசை - அனிருத். பேட்ட படம் பொங்கலுக்கு வெளியாகும் என அதிகாரபூர்வமாக அறிவித்துள்ளது சன் பிக்சர்ஸ்.

இந்நிலையில் டீசர், பாடல்கள் வெளியாகிவிட்ட நிலையில் தணிக்கைச் சான்றிதழும் பெற்றுவிட்டது பேட்ட படம். தணிக்கையில் யு/ஏ கிடைத்துள்ளதாக இயக்குநர் கார்த்திக் சுப்புராஜ் அறிவித்துள்ளார். இதனால் இந்தப் படம் 20 நாள்களுக்கு முன்பே பட வெளியீட்டுக்கு முழுமையாகத் தயாராகியுள்ளது.