சூப்பர் ஸ்டார் ரஜினிகாந்தை பின்னுக்குத் தள்ளிய மலையாள நடிகர்!

பிரபலங்கள் தங்களுடைய கருத்துக்களை சமூக வலைத்தளமான ட்விட்டரில் பதிவிட்டு வரும் நிலையில், முன்னணி நடிகர்களும் ட்விட்டரில் ஆக்டிவ்வாக இயங்கி வருகின்றனர். சூப்பர் ஸ்டார் சற்று லேட்டாக ட்விட்டரில் இணைந்தாலும், அவரது பாணியில் லேட்டஸ்டாகவே லைக்குகளை அள்ளி வருபவர். 

அண்மையில் ட்விட்டரில் பின் தொடர்பவர்கள் எண்ணிக்கையில் ரஜினியை முந்தியிருக்கிறார் மலையாள சூப்பர் ஸ்டார் மோகன்லால். 

ஜிமிக்கி கம்மல் புகழ் ஷெரிலில் தொடங்கி, புருவ அழகி பிரியா வாரியர் வரை மலையாள நடிகைகள் சமூக வலைத்தளங்களில் மாஸ் ட்ரெண்ட் ஆகி வருகின்றர். இதற்கு முன்னதாகவே 'ப்ரேமம்' படப் புகழ் நிவின் பாலி உள்ளிட்ட மலையாள நடிகர்களும் மல்லுவுட்டைத் தாண்டி கோலிவுட்டிலும் அனேக ரசிகர்களை கவர்ந்து வந்தார்கள். 

ட்விட்டரில் சூப்பர் ஸ்டார் ரஜினியை பின்தொடர்பவர்களின் எண்ணிக்கை தற்போது 4 லட்சத்து 56 ஆயிரமாக உள்ளது உள்ளது.

மோகன்லாலை பின் தொடர்பவர்களின் எண்ணிக்கை தற்போது 4 லட்சத்து 69 ஆயிரமாக உயர்ந்துள்ளது. இதன் மூலம் மோகன்லால் ட்விட்டரில் ரஜினியை பின்னுக்கு தள்ளியிருக்கிறார்.

ரஜினிக்கு உள்ள ரசிகர்கள் எண்ணிக்கையை கணக்கில் எடுத்தால் அது பல லட்சத்துக்கும் மேலாகவே இருக்கும். இணையத்தில் இணைந்திருப்பவர்களில் சிலரே இந்த நான்கு லட்சத்தி சொச்சம் என்ற கணக்கு என்றாலும், மோகன்லால் ட்விட்டரில் ரஜினியை விட அதிக ஃபாலோயர்களைக் கொண்டிருப்பது அவரது ரசிகர்களுக்கே ஆச்சரியம் அளித்துள்ளது. அலட்டாத நடிப்புக்கு சொந்தக்காரரான மோகன்லாலும், எவர்க்ரீன் சூப்பர் ஸ்டாரும் நல்ல நண்பர்கள் என்பதும் குறிப்பிடத்தக்கது.