விஜய் சேதுபதி, த்ரிஷா நடிப்பில் சி. பிரேம் குமார் இயக்கியுள்ள படம் - 96. சமீபத்தின் வெளியான இந்தப் படம் மக்களின் வரவேற்போடு இன்னமும் திரையரங்குகளில் திரையிடப்பட்டு வருகிறது.
இந்நிலையில் படம் வெளியான 33 நாள் கழித்து சன் டிவியில் ஒளிபரப்பாகவுள்ளது இந்தப் படம். இத்தகவல் பலரையும் ஆச்சர்யப்படுத்தியுள்ளது. 96 படத்தைத் திரையரங்கில் பார்க்க முடியாதவர்களுக்கும் மீண்டும் பார்க்கத் துடிப்பவர்களுக்கும் சர்கார் டிக்கெட் கிடைக்காமல் இருப்பவர்களுக்கும் இந்தத் தகவல் ஆறுதலை அளிப்பதாக ரசிகர்கள் சமூகவலைத்தளங்களில் பதிவு எழுதியுள்ளார்கள்.
தீபாவளி தினத்தன்று மாலை 6.30 மணிக்கு 96 படம் சன் டிவியில் ஒளிபரப்பாகவுள்ளது.