கெளதம் வாசுதேவ் மேனனின் ‘ஒன்றாக எண்டர்டெய்ன்மெண்ட்டின்’ அடுத்த சிங்கிள்ஸ் ‘போதை... கோதை’ என்ற பெயரில் சமீபத்தில் வெளியாகி இருக்கிறது. பாடலின் நோக்கம் அழகானது. அர்த்தமுள்ளது. ஆண், பெண் பேதமில்லாமல் நண்பர்களாகச் சேர்ந்து கடற்கரையில் பொழுதைக் கரைத்துக் கொண்டிருக்கும் போது விளையாட்டாகத்தான் தொடங்குகின்றது போதை வஸ்துக்களின் புழக்கமும் பழக்கமும். அதை விளையாட்டாகக் கற்றுக் கொண்டு விட முடியாமல் தவிப்பவர்கள் ஏராளம் பேர். ஆனால், அந்தப் போதையெல்லாம் நிஜமான போதை உணர்வைத் தருவதில்லை. ஒரு பெண்ணுடனான காதல் தரும் போதைக்கு முன் இவையெல்லாம் தூசு எனும்படியாக இப்பாடலில் நீள்கின்றது மதன் கார்க்கியின் பேனா. இசை கார்த்திக், பாடலில் காதல் ஜோடிகளாக கவனம் ஈர்க்கிறார்கள் ஐஸ்வர்யா ராஜேஷும், அதர்வாவும்.
போதை... கோதை பாடலைக் கேட்க விடியோ லிங்க்...
இந்தப் பாடலைக் கேட்டு யாராவது புகையுறுஞ்சும், உயிர் உறுஞ்சும் போதை பழக்கத்தை விட்டொழித்தார்கள் என்றால் சரி!