விரைவில் திருமணம்: சூசகமாகத் தகவல் தெரிவித்த நடிகை தமன்னா!

முன்னணி நடிகையான தமன்னாவுக்கு விரைவில் திருமணம் நடைபெறவுள்ளது. இதுகுறித்த தகவலை அவர் சூசகமாகத் தெரிவித்துள்ளார்.

ஒரு பேட்டியில் அவர் கூறியதாவது: நல்ல துணை கிடைத்தால் நான் திருமணம் செய்துகொள்வேன். ஆனால் நான் யாரையும் காதலிக்கவில்லை. என் மனத்தில் யாரும் இல்லை. எனக்கேற்ற துணையை என் அம்மா பார்த்துக்கொண்டிருக்கிறார் என்று கூறியுள்ளார். இதையடுத்து தமன்னா விரைவில் திருமணம் செய்துகொள்வார் எனத் தெரிகிறது. 

இந்த வருடம் தமன்னா நடிப்பில் தேவி 2, கண்ணே கலைமானே என இரு தமிழ்ப்படங்கள் வெளிவந்தன. அடுத்ததாக சுந்தர் சி இயக்கும் படம், பெட்ரோமேக்ஸ் என இரு தமிழ்ப் படங்களில் நடித்துவருகிறார்.