இந்திய யூனியன் முஸ்லிம் லீக் வேட்பாளர்கள் அறிவிப்புசிதம்பரம் தொகுதியில் தமிமுன் அன்சாரி போட்டி!தேமுதிக வேட்பாளர் பட்டியல்: விருத்தாசலம் பிரேமலதா, விருதுநகரில் விஜய பிரபாகர் போட்டி! திமுக கூட்டணிக் கட்சிகள் போட்டியிடும் தொகுதிகள்! முழு விவரம்!!164 தொகுதிகளில் போட்டியிடும் திமுக வேட்பாளர் பட்டியல் - முழு விவரம்சென்னையில் 6 திமுக எம்எல்ஏ-களுக்கு வாய்ப்பு மறுப்பு! கொளத்தூர் தொகுதியில் முதல்வர் ஸ்டாலின் மீண்டும் போட்டி சேப்பாக்கம் தொகுதியில் துணை முதல்வர் உதயநிதி மீண்டும் போட்டி கோவை தெற்கு தொகுதியில் செந்தில் பாலாஜி போட்டி போடி தொகுதியில் திமுக சார்பில் ஓபிஎஸ் போட்டி
/

சிக்ஸர் படத் தயாரிப்பாளர்களுக்கு கவுண்டமணி நோட்டீஸ்!

அவருடைய புகைப்படத்தையும் வசனத்தையும் தவறாகப் பயன்படுத்தியதற்காக மன்னிப்பு கேட்கவேண்டும்...

News image

சிக்ஸர் படக் காட்சி (ஸ்னீக் பீக்)

Updated On :29 ஆகஸ்ட் 2019, 12:07 pm

எழில்

வைபவ், பல்லக் லால்வானி, சதீஷ், ராதாரவி நடிப்பில் சாச்சி இயக்கத்தில் உருவாகியுள்ள படம் சிக்ஸர். தயாரிப்பு - தினேஷ் கண்ணன், ஸ்ரீதர். இப்படம் நாளை வெளியாகவுள்ளது.

இந்நிலையில் இப்படத்தின் தயாரிப்பாளர்களுக்கு மூத்த நகைச்சுவை நடிகர் கவுண்டமணி தரப்பில் நோட்டீஸ் அனுப்பப்பட்டுள்ளது. அனுமதி பெறாமல் தன்னுடைய புகைப்படத்தையும் சின்னத்தம்பி பட வசனங்களையும் சிக்ஸர் படத்தில் தவறான முறையில் அவதூறாகப் பயன்படுத்தியதாக கவுண்டமணி குற்றம் சுமத்தியுள்ளார். சிக்ஸர் படத்தின் விளம்பரத்துக்காக வெளியிடப்பட்டுள்ள ஸ்னீக் பீக் விடியோவில் கவுண்டமணி குறிப்பிடும் காட்சி அமைந்துள்ளது. 

கவுண்டமணியின் நற்பெயருக்குக் கெடுதல் விளைவிக்கும் காட்சியை நீக்கவேண்டும். மேலும், அவருடைய புகைப்படத்தையும் வசனத்தையும் தவறாகப் பயன்படுத்தியதற்காக மன்னிப்பு கேட்கவேண்டும். அப்படிப் படத்தின் காட்சியை நீக்காமல் மன்னிப்பும் கேட்காமல் இருந்தால் சட்டபூர்வ நடவடிக்கை மேற்கொள்ளப்படும் என்று தயாரிப்பாளர்களுக்கு அனுப்பப்பட்டுள்ள நோட்டீஸில் குறிப்பிடப்பட்டுள்ளது. கவுண்டமணி சார்பாக வழக்கறிஞர் சசிகுமார் நோட்டீஸ் அனுப்பியுள்ளார். 

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.