இந்தியன் 2 படத்தில் கமலுடன் சிம்புவுக்கு பதிலாக சித்தார்த் 

சென்னை: இந்தியன் 2 படத்தில் கமலுடன் நடிப்பதாக இருந்த சிம்பு விலகியதால் அவருக்குப் பதிலாக சித்தார்த் நடிக்கிறார் என்று தகவல் வெளியாகியுள்ளது. 

பிரபல இயக்குநர் ஷங்கர் இயக்கத்தில் கமல் நடிக்கும் 'இந்தியன் 2' படத்தின் படப்பிடிப்பு கடந்த வாரம் துவங்கியது .  இப்படத்துக்கு ஒளிப்பதிவு - ரவிவர்மன், இசை - அனிருத். பா.விஜய், தாமரை, விவேக் ஆகியோர் பாடல்கள் எழுதவுள்ளார்கள். வசனம் - ஜெயமோகன், கபிலன் வைரமுத்து, லட்சுமி சரவணகுமார். 

இந்தப் படத்தில், கமல்ஹாசனின் மகனாக நடிக்க சிம்புவிடம் பேச்சுவார்த்தை நடத்தப்பட்டது. ஆனால், சிறிய வேடம் என்பதால் சிம்பு தயங்கவே, ‘பாய்ஸ்’ படத்தில் ஹீரோவாக நடித்த சித்தார்த்தை படக்குழுவினர் அணுகியுள்ளார்கள். 

தனது குருவே தன்னிடம் கேட்டதும் சித்தார்த் சம்மதம் தெரிவித்து விட்டார் என்று படக்குழு தரப்பில் தெரிவிக்கப்பட்டுள்ளது.