நடிகர் சங்க தேர்தலில் வாக்களிக்கவில்லை: ரஜினிகாந்த்

நடிகர் சங்கத் தேர்தலில் வாக்களிக்கவில்லை என்று நடிகர் ரஜினிகாந்த் ட்வீட் செய்துள்ளார்.

சென்னை மயிலாப்பூரில் உள்ள புனித எப்பாஸ் பள்ளியில் நடிகர் சங்கத் தேர்தல் நீதமன்ற உத்தரவுப்படி ஞாயிற்றுக்கிழமை நடைபெறுகிறது. மேலும், நடிகர் சங்கத் தேர்தலுக்கு பாதுகாப்பு வழங்க மயிலாப்பூர் காவல் துணை ஆணையருக்கு நீதிபதி உத்தரவிட்டார்.

இந்நிலையில், நடிகர் சங்கத் தேர்தலில் வாக்களிக்கவில்லை என்று நடிகர் ரஜினிகாந்த் ட்வீட் செய்துள்ளார். இதுதொடர்பாக அவர் குறிப்பிட்டதாவது,

நான் தற்போது மும்பையில் நடைபெறும் படப்பிடிப்பில் கலந்துகொண்டுள்ளேன். எனது தபால் வாக்கு சனிக்கிழமை மாலை 6:45 மணியளவில் தான் வந்து சேர்ந்தது. அதை பெற நான் எவ்வளவு முயன்றும் என்னுடைய தபால் வாக்கு தாமதமாகவே வந்தது. எனவே இந்த தேர்தலில் நான் வாக்களிக்கவில்லை என்று வருத்தத்துடன் தெரிவித்துக்கொள்கிறேன். இது சற்றும் எதிர்பாராதது, இதுபோன்று நடைபெற்றிருக்கக் கூடாது என்று பதிவிட்டுள்ளார்.