உலக சினிமா ரசிகர்களால் மறக்கமுடியாத ஒரு படம் - சில்ட்ரன் ஆஃப் ஹெவன். மஜித் மஜிதி இயக்கிய இந்த ஈரான் படம் இரானில் வாழும் ஒரு ஏழைக் குடும்பத்தின் வாழ்க்கையை உணர்வுபூர்வமான காட்சிகளால் விவரிக்கும். 1998-ல் சிறந்த வெளிநாட்டுத் திரைப்படத்துக்கான ஆஸ்கர் விருதுக்கும் பரிந்துரைக்கப்பட்டது.
இந்தப் படம் விரைவில் தமிழிலும் வெளிவரவுள்ளது. இந்தப் படத்தின் ரீமேக்கை வாங்கி இயக்கியுள்ளார் உயிர், மிருகம், சிந்து சமவெளி படங்களை இயக்கிய சாமி.
சில்ட்ரன் ஆஃப் ஹெவன் படத்தின் தமிழ் ரீமேக்குக்கு அக்கா குருவி எனப் பெயரிடப்பட்டுள்ளது. கொடைக்கானல் அருகில் உள்ள பூம்பாறை எனும் இடத்தில் முழுப்படப்பிடிப்பும் நடைபெற்றுள்ளது. அண்ணன், தங்கையின் பாசப்போராட்டத்தை கவிதையான காட்சிகளால் வெளிப்படுத்தும் இந்தப் படம் தமிழ் ரசிகர்களின் மனத்தையும் கொள்ளை கொள்ளும் என எதிர்பார்க்கப்படுகிறது.
அக்கா குருவி படம் மே மாதம் தமிழில் மட்டுமல்லாமல் தெலுங்கிலும் வெளிவருகிறது.