விஜய் சந்தர் இயக்கத்தில் விஜய் சேதுபதி நடித்துள்ள படம் சங்கத் தமிழன். விஜய் சேதுபதி, ராஷி கண்ணா, நிவேதா பெத்துராஜ் போன்றோர் நடித்துள்ளார்கள்.
விவேக் மெர்வின் இசையமைத்துள்ள இப்படம் நாளை வெளியாகவிருந்தது. இந்நிலையில் லிப்ரா நிறுவனத்துக்கு எதிராக விநியோகஸ்தர் விக்னேஸ்வரன் தொடர்ந்துள்ள வழக்கில் நாளை முதல் நவம்பர் 21 வரை நெல்லை மாவட்டத்தின் 10 திரையரங்குகளில் சங்கத் தமிழன் படத்தை வெளியிட இடைக்காலத் தடை விதிக்கப்பட்டுள்ளது.
2013-ல் நளதமயந்தி படத்தை வெளியிட லிப்ரா நிறுவனம் விக்னேஷ் பிக்சர்ஸிடம் கடனாகப் பெற்ற ரூ. 15 லட்சத்தைத் திருப்பித் தராததால் இந்தத் தடை விதிக்கப்பட்டுள்ளது. படத்தை ஒரு வாரத்துக்கு நெல்லை மாவட்டத்தில் வெளியிடத் தடை விதிக்கப்பட்டதோடு பணத்தை உடனடியாகத் திருப்பித் தரவும் உத்தரவு பிறப்பிக்கப்பட்டுள்ளது.