சந்திரமுகி 2 கதாநாயகி யார்?: ராகவா லாரன்ஸ் விளக்கம்

ரஜினி நடிப்பில் பி.வாசு இயக்கத்தில் 2005-ல் வெளியாகி பெரிய அளவில் வெற்றி பெற்ற படம் - சந்திரமுகி. தற்போது இந்தப் படத்தின் 2-ம் பாகம் உருவாகவுள்ளது.

என்னுடைய அடுத்த படம், ரஜினி சாரின் சந்திரமுகி 2. அவருடைய சம்மதத்துடன் இந்தப் படத்தில் நடிக்கிறேன் என்று மே மாதம் அறிவித்தார் ராகவா லாரன்ஸ். சன் டிவி தயாரிக்கும் இந்தப் படத்தை பி.வாசு இயக்குகிறார். 2017-ல் ராகவா லாரன்ஸ் நடித்த சிவலிங்கா படத்தை இயக்கினார் பி.வாசு. அதன்பிறகு அவர் இயக்கும் தமிழ்ப்படம் இது.

இந்நிலையில் சந்திரமுகி 2 படம் குறித்து ராகவா லாரன்ஸ் வெளியிட்டுள்ள அறிக்கையில் கூறியுள்ளதாவது:

சந்திரமுகி படத்தின் கதாநாயகியாக சிம்ரன், ஜோதிகா, கியாரா அத்வானி நடிக்கவுள்ளதாகச் செய்திகள் வருகின்றன. அவையெல்லாம் தவறான செய்திகள். தற்போது படத்துக்கான திரைக்கதை அமைக்கும் பணிகள் நடைபெற்று வருகின்றன. கரோனா அச்சுறுத்தல் முடிவடைந்த பிறகு கதாநாயகி குறித்த அறிவிப்பு வெளியாகும் என்று கூறியுள்ளார்.