நடிகர் ரஜினிகாந்த் பங்கேற்ற 'இன் டூ தி வைல்ட் வித் பியர் கிரில்ஸ்' நிகழ்ச்சி மார்ச் 23 ஆம் தேதி இரவு 8 மணி ஒளிபரப்பாகவுள்ளது என டிஸ்கவரி சேனல் அறிவித்துள்ளது. இதற்கான முன்னோட்ட விடியோவையும் வெளியிட்டுள்ளது.
இந்த நிகழ்ச்சிக்கான படப்பிடிப்பு, கர்நாடக மாநிலம், மைசூரில் உள்ள பண்டிப்பூர் புலிகள் காப்பகத்தில் நடைபெற்றது. இந்தப் படப்பிடிப்பில் நடிகர் ரஜினிகாந்த் நிகழ்ச்சித் தொகுப்பாளர் பியர் கிரில்ஸுடன் இணைந்து பணியாற்றினார்.
ரசிகர்களின் பெரும் எதிர்பார்ப்பில் இருக்கும் ரஜினி பங்கேற்ற நிகழ்ச்சியின் தொகுப்பு வரும் மார்ச் 23-ஆம் தேதி இரவு 8 மணிக்கு ஒளிபரப்பாகும் என அதிகாரப்பூர்வமாக டிஸ்கவரி சேனல் அறிவித்துள்ளது. இதற்கான முன்னோட்ட விடியோவையும் டிஸ்கவரி சேனல் தன்னுடைய ட்விட்டர் பதிவில் பகிர்ந்துள்ளது.