அர்ஜுன் கபூரை முத்தமிடும் புகைப்படத்தை வெளியிட்ட நடிகை மலைகா அரோரா!

பிரபல தயாரிப்பாளரும் மறைந்த ஸ்ரீதேவியின் கணவருமான போனி கபூரின் மகன் அர்ஜுன் கபூர் (போனி கபூரின் முதல் மனைவியின் மகன்). 34 வயதான இவர், 2 ஸ்டேட்ஸ், கி & கா படங்களில் நடித்துக் கவனம் பெற்றவர். 

மணி ரத்னம் இயக்கிய உயிரே படத்தில் தைய்யா தைய்யா பாடலுக்கு ஷாருக் கானுடன் இணைந்து நடனமாடியவர், மலைகா அரோரா. 46 வயதான இவர், பல படங்களில் நடித்துள்ளார். சில படங்களைத் தயாரித்துள்ளார். 1998-ல் நடிகரும் இயக்குநருமான அர்பாஸ் கானைத் திருமணம் செய்தார். 2017-ல் இருவரும் பிரிந்தார்கள். இவர்களுக்கு ஒரு மகன் உண்டு. அவர் மலைகாவிடம் வாழ்ந்து வருகிறார். 

அர்ஜுன் - மலைகா ஆகிய இருவரும் தற்போது காதலர்களாக உள்ளார்கள். மலைகாவுடனான காதலைக் கடந்த மே மாதம் ஒரு பேட்டியில் உறுதி செய்தார் அர்ஜுன் கபூர். 

இந்நிலையில் அர்ஜுன் கபூரை முத்தமிடும் புகைப்படத்தைச் சமூகவலைத்தளத்தில் மலைகா வெளியிட்டுள்ளார். இதற்குப் பல்வேறுவிதமான எதிர்வினைகளை ரசிகர்கள் அளித்துள்ளார்கள்.