2015-ல் புறம்போக்கு என்கிற பொதுவுடைமை படத்தை இயக்கிய எஸ்.பி. ஜனநாதன் அடுத்ததாக விஜய் சேதுபதி கதாநாயகனாக நடிக்கும் லாபம் என்கிற படத்தை இயக்கியுள்ளார்.
விஜய் சேதுபதிக்கு ஜோடியாக ஷ்ருதி ஹாசன் நடித்துள்ளார். 2017-ல் சிங்கம் 3 படத்தில் நடித்த ஷ்ருதி, 2 வருடங்கள் கழித்து நடித்துள்ள தமிழ்ப் படம் இது. இப்படத்துக்கு இசை - இமான்.
லாபம் படத்தின் படப்பிடிப்பு ராஜபாளையத்தில் கடந்த வருடம் ஏப்ரல் மாதம் தொடங்கியது.
இந்நிலையில் ஊரடங்கு காரணமாக தடைபட்டிருந்த லாபம் படத்தின் டப்பிங் பணிகள் மீண்டும் தொடங்கியுள்ளன. விஜய் சேதுபதி டப்பிங் செய்ததற்கான புகைப்படங்கள் வெளியிடப்பட்டுள்ளன.