மூன்று முறைதான் திருமணம் செய்துள்ளேன்: பிரபல நடிகை விளக்கம்

3 முறை திருமணம் செய்த பிறகு, இன்னொரு முறை கடைசியாகத் திருமணம் செய்ய ஆசையாக உள்ளதாக பிரபல நடிகை பமீலா ஆண்டர்சன் கூறியுள்ளார்.

ஒரு பேட்டியில் 52 வயது பமீலா ஆண்டர்சன் கூறியதாவது:

மீண்டும் திருமணம் செய்ய விருப்பமா எனக் கேட்கிறீர்கள். கண்டிப்பாக. இன்னும் ஒரே ஒரு முறை. கடவுளே தயவுசெய்து இன்னும் ஒரே ஒரு முறை மட்டும் நான் திருமணம் செய்துகொள்ளவேண்டும்.

என்னுடைய தோல்வியடைந்த கடந்த கால உறவுகளை நினைக்கும்போது நல்லவேளை அப்படி நடந்ததற்காக மகிழ்கிறேன். நான் மூன்று முறை திருமணம் செய்துள்ளேன். ஆனால் நான் ஐந்து முறை திருமணம் செய்துகொண்டதாகப் பலரும் எண்ணுகிறார்கள். ஏனென்று தெரியவில்லை. டாமி லீ, பாப் ரிட்சி, ரிக் சாலமன் என மூவரைத் திருமணம் செய்துள்ளேன். அவ்வளவுதான். இதுவே அதிகம் தான். ஆனால் ஐந்தை விடக் குறைவுதான்.

ஜான் பீட்டர்ஸை நான் திருமணம் செய்துகொள்ளவில்லை. காதல் உணர்வு மிக்கவள் நான். என்னைப் பற்றி அவதூறு பேசுவது மற்றவர்களுக்குச் சுலபமாக உள்ளது. பீட்டர்ஸுடன் நல்ல தருணங்கள் அமைந்து அப்படியே சென்றுவிட்டன என்று கூறியுள்ளார்.