அஜித் பிறந்த நாள்: பிரபலங்கள், ரசிகர்கள் வாழ்த்து!

பிரபல நடிகர் அஜித் தனது 49-வது பிறந்த நாளை இன்று கொண்டாடுகிறார்.

இதையடுத்து ட்விட்டர், பேஸ்புக் உள்ளிட்ட சமூகவலைத்தளங்களில் அஜித்தின் ரசிகர்கள் தங்களுடைய தல-யின் பிறந்த நாளைக் கோலாகலமாகக் கொண்டாடி வருகிறார்கள்.

ரசிகர்கள் மட்டுமல்லாமல் திரையுலகப் பிரபலங்களும் ட்விட்டரில் அஜித்துக்குப் பிறந்த நாள் வாழ்த்துகளைக் கூறி வருகிறார்கள்.

அஜித் நடித்து வரும் படமான வலிமை-யின் முதல் பார்வை போஸ்டர் இன்று வெளிவரும் என ரசிகர்கள் ஆவலாக இருந்தார்கள். ஆனால், கரோனா அச்சுறுத்தல் நிலவும் இச்சமயத்தில் தாங்கள் தயாரிக்கும் படங்களின் தகவல்கள் எதையும் வெளியிட மாட்டோம் எனத் தயாரிப்பாளர் போனி கபூர் அறிவித்துள்ளார். இதையடுத்து வலிமை படம் பற்றிய எந்தவொரு அப்டேட்டும் இன்று வெளிவராது.