மாஸ்டர் டீசர் எப்போது?: இன்று வெளியாகவுள்ள அறிவிப்பு

விஜய் நடித்துள்ள மாஸ்டர் படத்தின் டீசர் எப்போது வெளியாகும் என்கிற தகவலை படக்குழு இன்று அறிவிக்கவுள்ளது.

பிகில் படத்துக்குப் பிறகு மாநகரம் பட இயக்குநர் லோகேஷ் கனகராஜ் இயக்கத்தில் நடித்துள்ளார் விஜய். மாஸ்டர் என்று பெயரிடப்பட்டுள்ள இந்தப் படத்துக்கு இசை - அனிருத். விஜய், விஜய் சேதுபதி, மாளவிகா மோகனன், சாந்தனு, ஆண்ட்ரியா, அர்ஜுன் தாஸ் போன்றோர் நடித்துள்ளார்கள்.

கரோனா அச்சுறுத்தல் காரணமாக, திரையரங்குகள் எட்டு மாதங்களாக இயங்கவில்லை. இதனால் மாஸ்டர் படத்தின் வெளியீடு ஒத்திவைக்கப்பட்டுள்ளது.

மாஸ்டர் படத்தின் டீசருக்காக ரசிகர்கள் ஆவலாகக் காத்திருக்கிறார்கள். இதையடுத்து தீபாவளி சமயத்தில் மாஸ்டர் டீசர் வெளியாகும் என எதிர்பார்க்கப்படுகிறது.

இந்நிலையில் மாஸ்டர் டீசர் எப்போது வெளியாகும் என்கிற தகவலை படக்குழு இன்று மாலை 6 மணிக்கு அறிவிக்கவுள்ளது.