ரஹ்மான் இசையில் தனுஷ் பாடிய 'கலாட்டா கல்யாணம்' விடியோ பாடல் வெளியானது

ஹிந்தியில் தனுஷ், அக்ஷய் குமார், சாரா அலிகான் இணைந்து நடித்திருக்கும் படம் அட்ராங்கி ரே. தமிழில் இந்தப் படம் கலாட்டா கல்யாணம் என்ற பெயரில் உருவாகியிருக்கிறது. இந்தப் படம் வருகிற 24 ஆம் தேதி டிஸ்னி பிளஸ் ஹாட்ஸ்டாரில் நேரடியாக வெளியாகவுள்ளது. 

ஆனந்த் எல் ராய் இயக்கியுள்ள இந்தப் படத்துக்கு ஏ.ஆர்.ரஹ்மான் இசையமைத்துள்ளார். இந்தப் படத்தின் பாடல்கள் ஒவ்வொன்றாக வெளியாகி ரசிகர்களை கவர்ந்து வருகின்றன. அந்த வகையில் இந்தப் படத்தில் இருந்து லிட்டில் லிட்டில் எனத் துவங்கும் விடியோ பாடல் வெளியாகியுள்ளது. 

இதையும் படிக்க | 'புஷ்பா' படத்துக்கு 3 நாட்களில் இவ்வளவு வசூலா? வியப்பில் இந்திய திரையுலகம்

இந்தப் பாடலை தனுஷ் எழுதி பாடியுள்ளார். அவருடன் ஷாலினி ஸ்ரீநிவாஸ் பாடியுள்ளார். இந்தப் பாடல் படத்தின் மீதான எதிர்பார்ப்பை அதிகரித்துள்ளது. முதன்முறையாக ஏ.ஆர்.ரஹ்மான் இசையில் தனுஷ் பாடியுள்ள பாடல் என்பது குறிப்பிடத்தக்கது.