மூத்த நடிகர் நசீருதீன் ஷா, உடல்நலக்குறைவு காரணமாக மருத்துவமனையில் அனுமதிக்கப்பட்டுள்ளார்.
1967 முதல் திரைப்படங்களில் நடித்து வருகிறார் நசீருதீன் ஷா. 1980களில் புகழ்பெற்ற நடிகராக விளங்கினார். தொலைக்காட்சி, இணையத்தொடர்களிலும் நடித்துள்ளார். நடிப்புக்காக மூன்று முறை தேசிய விருதுகளைப் பெற்றுள்ளார். 1987-ல் பத்மஸ்ரீ 2003-ல் பத்மபூஷன் விருதுகளைப் பெற்றார்.
இந்நிலையில் நிமோனியாவால் பாதிக்கப்பட்டுள்ள நசீருதீன் ஷா சிகிச்சைக்காக மும்பையில் உள்ள மருத்துவமனையில் அனுமதிக்கப்பட்டுள்ளார்.
நிமோனியா தொற்று பாதிப்பு காரணமாகக் கடந்த இரு நாள்களாக மருத்துவமனையில் அனுமதிக்கப்பட்டுள்ளார் நசீருதீன் ஷா. அவருக்கு உடனடியாகச் சிகிச்சை அளிக்கப்பட வேண்டும் என்கிற நிலை உருவானது என்று நசீருதீன் ஷாவின் மேலாளர், ஒரு பேட்டியில் கூறியுள்ளார்.