இந்த முறை பிக்பாஸ் வீடு எப்படி இருக்கும் தெரியுமா? வெளியான புதிய ப்ரமோ

கமல்ஹாசன் தொகுத்து வழங்கவிருக்கும் பிக்பாஸ் சீசன் 5 நிகழ்ச்சியின் புதிய ப்ரமோவில் வீட்டின் தோற்றம் காட்டப்பட்டுள்ளது.

பிக்பாஸ் சீசன் 5 நிகழ்ச்சி நாளை முதல் (அக்டோபர் 3) ஒளிபரப்பாகவிருக்கிறது. இந்த நிலையில் இந்த நிகழ்ச்சி குறித்து புதிய ப்ரமோ வெளியாகியுள்ளது. இந்த ப்ரமோவில் கமல்ஹாசன் புதிய பிக்பாஸ் வீட்டில் இருந்தபடி ஆரம்பிக்கலாங்களா என்று கேட்கிறார். 

கடந்த முறையை விட இந்த முறை பிக்பாஸ் வீடு மிகவும் வண்ணமயமாக அலங்கரிக்கப்பட்டிருக்கிறது. வீட்டின் முன் பக்கம் பிக்பாஸ் 5 என்றே குறிப்பிடப்பட்டிருக்கிறது. வீட்டின் மேல் தளத்தில் இருந்து கமல்ஹாசன் பேசுகிறார். ஒருவேளை இந்த முறை வீட்டிற்கு மேல் தளத்திலும் போட்டியாளர்கள் அனுமதிக்கப்படுவார்களா என்ற கேள்வி எழுந்துள்ளது. 

இதையும் படிக்க | நாக சைதன்யாவைப் பிரிகிறார் சமந்தா : அதிகாரப்பூர்வ அறிவிப்பு

இந்த முறை பிக்பாஸ் நிகழ்ச்சியில் குக் வித் கோமாளி மூலம் பிரபலமடைந்த கனி, சுனிதா, ஷகிலாவின் மகள் மிலா, நடிகர் வருண், செய்தி வாசிப்பாளர் கண்மணி, விஜய் தொலைக்காட்சி தொகுப்பாளர் பிரியங்கா, பாய்ஸ் பட நடிகர் மணிகண்டன், துள்ளுவதோ இளமை நடிகர் அபினய், கழுகு பட கதாநாயகன் கிருஷ்ணா, பிரியா ராமன், சூசன், மாடல் கோபிநாத் ரவி, ராம் இருவர் நமக்கு இருவர் தொடரில் நடித்துள்ள ராஜூ ஜெயமோகன், நடிகை வடிவுக்கரசி, யூடியூப் விமர்சகர் அபிஷேக் ராஜா உள்ளிட்டோர் கலந்துகொள்ளவிருப்பதாக தகவல் வெளியாகியுள்ளது.