பிக்பாஸ் முதல் நாள் : நடிகர் ராஜு ஜெயமோகனுக்கு தொகுப்பாளர் பிரியங்கா கொடுத்த பதிலடி : வெளியான ப்ரமோ

பிக்பாஸ் சீசன் 5 நிகழ்ச்சி நேற்று (அக்டோபர் 3) கோலகலமாக துவங்கியது. நடிகர் கமல்ஹாசன் தனக்கே உரிய பாணியில் நிகழ்ச்சியைத் தொகுத்து வழங்கி அசத்தினார். 

இந்த நிகழ்ச்சியில் கலந்துகொள்ளும் போட்டியாளர்களை கமல்ஹாசன் அறிமுகப்படுத்தினார். அதன் படி இந்த பிக்பாஸ் சீசன் 5 நிகழச்சியில் ஆடை வடிவமைப்பாளர் மதுமிதா, பாடகி இசைவாணி, யூடியூப் விமரிசகர்  அபிஷேக் ராஜா, சின்னத்திரை நடிகர் ராஜு ஜெயமோகன், தொகுப்பாளினி பிரியங்கா தேஷ்பாண்டே, நடிகர் அபிநய், நாட்டுப்புற பாடகி சின்னப்பொண்ணு, சீரியல் நடிகை பவானி ரெட்டி, மாடல் அழகி நதியா சாங், நகைச்சுவை நடிகர் இமான் அண்ணாச்சி, நடிகர் வருண், நமிதா மாரிமுத்து, மாஸ்டர் பட நடிகர் சிபி சந்திரன், நாடக கலைஞர் தாமரைச் செல்வி, ஸ்ருதி ஜெயதேவன் உள்ளிட்டோர் போட்டியாளர்களாக கலந்துதகொண்டுள்ளனர். 

இந்த நிலையில் இன்றைய நிகழ்ச்சியின் முதல் ப்ரமோவை விஜய் தொலைக்காட்சி வெளியிட்டுள்ளது. அதில் வீட்டின் தலைவர்களுக்கான போட்டி நடைபெறுகிறது. தலைவராக விரும்புவர்கள் தாமாக முன் வரலாம் என பிக்பாஸ் சொல்ல அவர்களின் ராஜூ ஜெயமோகன், பவானி ரெட்டி, சின்னப்பொண்ணு ஆகியோர் களமிறங்குகிறார்கள். அப்போது நான் கழிவறை சுத்தம் செய்கிறேன் என ராஜூ சொல்ல, உடனே பிரியங்கா, அது தான் ஈஸி என கமெண்ட் கொடுக்கிறார். இதனால் அந்த இடமே கலகலப்பாகிறது.