யோகி பாபுவுடன் இணையும் பிரபல பிக்பாஸ் நடிகை

நகைச்சுவை நடிகர் யோகி பாபுவுடன் இணைந்து ஓவியா ஒரு படத்தில் நடிக்கவிருக்கிறார். 

தமிழ் சினிமாவில் முன்னனி நகைச்சுவை நடிகராக வலம் வந்துகொண்டிருக்கிறார் யோகிபாபு. ஒரு பக்கம் அஜித்துடன் இணைந்து வலிமை, மற்றொரு பக்கம் நடிகர் விஜய்யுடன் இணைந்து பீஸ்ட் என தமிழில் முன்னணி நடிகர்கள் பெரும்பாலானோர் படங்களில் யோகி பாபு நடித்துக்கொண்டிருக்கிறார். 

இந்த நிலையில் அவர் நடிகை ஓவியாவுடன் இணைந்து ஒரு படத்தில் நடிக்கவிருக்கிறார். இந்தப் படத்தை அங்கா மீடியா நிறுவனம் தயாரிக்கிறது. இந்தப் படத்தின் பூஜை வருகிற செப்டம்பர் 24 ஆம் தேதி நடைபெறுகிறது. 

இதனை நடிகை ஓவியா தனது சுட்டுரைப் பக்கத்தில் அறிவித்துள்ளார். இந்தப் படத்தின் இயக்குநர், நடிகர், நடிகைகள் பிற தொழில்நுட்பக் கலைஞர்கள் குறித்த தகவல்கள் விரைவில் வெளியாகும் என எதிர்பார்க்கப்படுகிறது. இந்தப் படத்தில் யோகி பாபுவுக்கு ஜோடியாக ஓவியா நடிக்கிறாரா என்ற தகவலும் விரைவில் தெரியவரும்.