தனது குழந்தைப் பருவ புகைப்படத்தை இன்ஸ்டாகிராம் பக்கத்தில் நடிகை காஜல் அகர்வால் பகிர்ந்துள்ளார்.
பேரரசு இயக்கத்தில் உருவான 'பழனி' படத்தின் மூலம் தமிழில் கதாநாயகியாக அறிமுகமானவர் காஜல் அகர்வால். அதனைத் தொடர்ந்து அவர் நடித்த' நான் மகான் அல்ல', 'துப்பாக்கி','விவேகம்', 'மெர்சல்', 'கோமாளி' உள்ளிட்ட படங்கள் நல்ல வரவேற்பை பெற்றன.
தமிழ் மட்டுமல்லாமல், தெலுங்கு, ஹிந்தி உள்ளிட்ட மொழிகளிலும் நடித்துள்ளார். மேலும் வெங்கட் பிரபு இயக்கத்தில் 'லிவ் டெலிகாஸ்ட்' என்ற இணையத் தொடரிலும் நடித்துள்ளார். தற்போது நடன இயக்குநர் பிருந்தா இயக்கத்தில் துல்கர் சல்மானுடன் இணைந்து 'ஹே சினாமிகா' என்ற படத்தில் நடித்து வருகிறார்.
இதையும் படிக்க| இது என்ன பரம்பரையாக இருக்கும்? : பிரபல நடிகை பகிர்ந்த விடியோ
ஷங்கர் இயக்கத்தில் கமல்ஹாசனுடன் இவர் நடித்துவந்த இந்தியன் 2 திரைப்படத்தின் படப்பிடிப்பு மீண்டும் எப்பொழுது துவங்கும் என அறிவிக்கப்படவில்லை. கௌதம் கிச்சுலு என்ற தொழிலதிபரை காஜல் அகர்வால் கடந்த ஆண்டு திருமணம் செய்துகொண்டுள்ளார். இந்த நிலையில் அவர் தனது இன்ஸ்டாகிராம் பக்கத்தில் குழந்தைப் பருவ புகைப்படத்தை பகிர்ந்துள்ளார். அவை ரசிகர்களால் அதிகம் பகிரப்பட்டு வருகிறது.