ஆஸ்திரேலிய கிரிக்கெட் வீரர் டேவிட் வார்னர் நடிகர் விஜய் போல் நடனம் ஆடும் விடியோவை தனது இன்ஸ்டாகிராம் பக்கத்தில் பகிர்ந்துள்ளார்.
ஆஸ்திரேலிய கிரிக்கெட் வீரர் டேவிட் வார்னர் ஐபிஎல் போட்டிகளில் விளையாடியதன் மூலம் இந்திய அளவில் பிரபலமானார். சமூக வலைதளங்களில் ரசிகர்களின் கருத்துக்களுக்கு பதிலளிப்பது, புகைப்படங்கள், விடியோக்கள் பகிர்வது என தீவிரமாக செயல்பட்டு வருகிறார்.
மேலும் திரைப்படங்களில் வரும் கதாநாயகர்களின் முகங்களுக்கு பதிலாக தனது முகங்களை அதில் இடம்பெறச் செய்து அவர் வெளியிடும் விடியோக்கள் நல்ல வரவேற்பை பெற்று வருகின்றன. அந்த வகையில் 'அண்ணாமலை' ரஜினி, '24' பட சூர்யா, 'பாகுபலி', 'கேஜிஎஃப்' என அவர் பதிவிடும் விடியோக்கள் ரசிகர்களை பெரிதும் கவர்ந்து வருகின்றன.
இதையும் படிக்க | வதந்திக்கு முற்றுப்புள்ளி வைத்த நடிகை ஷகீலா
அந்த வகையில் தற்போது 'தெறி' படத்தில் விஜய் - சமந்தா நடனமாடும் பாடலான செல்லக்குட்டி பாடலில் விஜய்யின் முகத்தை தனது முகமாக மாற்றி அவர் விடியோவை வெளியிட்டுள்ளார். அந்த விடியோவிற்கு நடிகர் டேவிட் விஜய், ஜோசஃப் வார்னர், தளபதி என ரசிகர்கள் கருத்து தெரிவித்து வருகின்றனர். அதனை தான் வரவேற்கும் விதமாக சிரிக்கும் எமோஜியை பதிவு செய்துள்ளார்.