ரஜினி, அஜித்துடன் மோதும் சிம்பு : 'மாநாடு' வெளியீட்டுத் தேதி அறிவிப்பு

வெங்கட் பிரபு இயக்கத்தில் சிம்பு கதாநாயகனாக நடித்துள்ள மாநாடு படம் தீபாவளிக்கு வெளியாகும் என அறிவிக்கப்பட்டுள்ளது.

வெங்கட் பிரபு இயக்கத்தில் சிம்பு நடித்துள்ள படம் மாநாடு. சுரேஷ் காமாட்சி தயாரித்துள்ள இந்தப் படத்தில் சிம்புவுக்கு ஜோடியாக கல்யாணி பிரியதர்ஷன் நடித்துள்ளார். 

யுவன் ஷங்கர் ராஜா இசையமைத்துள்ள இந்தப் படத்தில் இருந்து மெகரசைலா பாடல், மற்றும் டீஸர் ஏற்கனவே வெளியாகி நல்ல வரவேற்பைப் பெற்று வருகின்றன. இந்தப் படத்தின் அடுத்தப் பாடல் குறித்து எதிர்பார்ப்பு ரசிகர்களிடையே அதிகரித்துள்ளது. 

இந்த நிலையில் இந்தப் படத்தின் வெளியீட்டுத் தேதி குறித்த அறிவிப்பு வெளியாகியுள்ளது. அதன் படி இந்தப் படம் தீபாவளிக்கு வெளியாகும் என்று அறிவிக்கப்பட்டுள்ளது.

ஏற்கனவே ரஜினிகாந்த் நடித்துள்ள அண்ணாத்த திரைப்படம் தீபாவளிக்கு வெளியாகிறது. நடிகர் அஜித்தின் வலிமை படமும் தீபாவளிக்கு வெளியாகும் என கூறப்படும் நிலையில் இந்த அறிவிப்பு பரபரப்பை ஏற்படுத்தியுள்ளது. 

சிம்புவை ஒப்பிடுகையில் ரஜினிகாந்த் மற்றும் அஜித் குமார் ஆகியோருக்கு ரசிகர்களின் பலம் அதிகம். இரு பெரிய படங்களையும் சமாளித்து மாநாடு வெற்றி பெறுமா என்ற சந்தேகம் ரசிகர்களிடையே எழுந்துள்ளது.

இருப்பினும் படம் நன்றாக இருந்தால் நிச்சயம் வெற்றி பெறும் என்பது வரலாறு. இருப்பினும் சினிமா ரசிகர்களுக்கு இந்த தீபாவளியின் போது நல்ல விருந்து காத்திருக்கிறது என்பது மட்டும் உறுதி.