பீஸ்ட் படத்துக்குப் பிறகு பிரபல தெலுங்கு இயக்குநர் வம்சியின் இயக்கத்தில் நடித்து வருகிறார் விஜய்.
ராஷ்மிகா கதாநாயகியாக நடிக்கும் இப்படத்துக்கு இசை - தமன். தமிழில் படமாக்கப்பட்டு தெலுங்கில் டப் செய்யப்படும் எனச் சமீபத்தில் விஜய் பேட்டியளித்திருந்தார். இது விஜய் நடிக்கும் 66-வது படம்.
இந்நிலையில் விஜய் 66 படத்தில் நடிகர் ஷாம் நடிப்பது உறுதியாகியுள்ளது. இத்தகவலை தனது இன்ஸ்டகிராம் பக்கத்தில் ஷாம் அறிவித்துள்ளார். குஷி படத்தில் விஜய்யின் நண்பராகச் சிறிய வேடத்தில் ஷாம் நடித்திருந்தார். அதற்குப் பிறகு இப்போதுதான் இருவரும் இணைந்து நடிக்கிறார்கள்.