துணிவு படத்தின் 3வது பாடல் குறித்த அப்டேட்! 

நடிகர் அஜித் குமார், இயக்குநர் வினோத், தயாரிப்பாளர் போனி கபூர் ஆகியோர் 3-வது முறையாக இணைந்துள்ள படம் 'துணிவு'. பஞ்சாபில் நடைபெற்ற வங்கி்க் கொள்ளையை அடிப்படையாகக் கொண்டு இந்தப் படம் உருவாகியுள்ளது. 

இப்படத்திற்கு ஜிப்ரான் இசையமைக்க, நீரவ் ஷா ஒளிப்பதிவு செய்துள்ளார். மஞ்சு வாரியர் முக்கிய வேடத்தில் நடித்துள்ளார். இந்தப் படத்தின் படப்பிடிப்பு பணிகள் அனைத்தும் முடிவடைந்து தற்போது டப்பிங் பணிகள் நடைபெற்று வருகின்றன. 

இப்படத்தில் இடம்பெற்றுள்ள ‘சில்லா..சில்லா’ பாடல் வெளியாகி நல்ல வரவேற்பைப் பெற்ற நிலையில் இப்படத்தின் அடுத்த பாடலான ‘காசேதான் கடவுளடா’ பாடலும் நேற்று வெளியாகி நல்ல வரவேற்பினை பெற்று வருகிறது. 

இந்நிலையில் 3வது பாடலான ‘கெத்து’ பாடலை குறித்து நடன இயக்குநர் கல்யாண் மாஸ்டர், “ரசிகர்கள் எதிர்பார்த்த மாதிரி கெத்து பாடலில் அஜித் சாரை புதிய ஸ்டைலில் காட்டியுள்ளோம். இந்தப் பாடலுக்கு தியேட்டரில் யாருடைய கால்களும் ஆடாமல் இருக்காது. இந்தப் பாடல்தான் தொடக்க பாடலாகவும்  இருக்கும். நானும் இந்தப் பாடலில் கௌரவ தோற்றத்தில் வந்துள்ளேன்” என நேர்காணல் ஒன்றில் கூறியுள்ளார். 

இதனால் அஜித் ரசிகர்கள் கெத்து பாடலுக்காக காத்திருக்கிறோம் என சமூக வலைதளங்களில் கருத்து தெரிவித்து வருகின்றனர். 

மஞ்சு வாரியர் ஏமாற்றப்பட்டாரா? ரசிகர்கள் கிண்டல்!

காசேதான் கடவுளடா பாடல்: ரசிகர்களின் மீம்ஸ்களுக்கு விளக்கமளித்த நடிகை மஞ்சு வாரியர்

‘பெண்கள் துர்கையம்மனின் உருவங்கள்’- நடிகைகளுக்கு ஆதரவளித்த திவ்யா!

'நான் அந்த மாதிரி பெண் இல்லை' - சீறும் டாப்ஸி: காரணம் என்ன?

அஜித் முதுகுல குத்திட்டாங்க: ரசிகர்கள் கிண்டல் !

யார் நம்பர்.1 நடிகர்? அஜித் மேலாளரின் பதிலடி ட்வீட்?