அஜித் - சிவா ஆகிய இருவரும் மீண்டும் இணைந்துள்ள படம் - விஸ்வாசம். கதாநாயகியாக நயன்தாரா நடித்துள்ளார். சத்யஜோதி ஃபிலிம்ஸ் தயாரித்த இப்படத்தில் ஜகபதி பாபு, விவேக், யோகி பாபு, ரோபோ சங்கர், தம்பி ராமையா, கோவை சரளா போன்றோரும் நடித்துள்ளார்கள். இப்படத்துக்கு இசை - இமான், ஒளிப்பதிவு - வெற்றி. இந்தப் படம் 2019இல் ஜனவரி 10-ம் தேதி வெளியானது.
நல்ல வரவேற்பினைப் பெற்ற இப்படத்தில் இடம்பெற்ற தந்தை மகள் பாசம் பெரிதாக மக்களிடையே பேசப்பட்டது. இதில் கண்ணான கண்ணே பாடல் தற்போது யூடியூபில் 200 மில்லியன் (20 கோடி) பார்வையாளர்களை கடந்துள்ளது.
இந்தப் படத்திற்கு இசையமைப்பாளர் இமானுக்கு தேசிய விருது கிடைத்ததும் குறிப்பிடத்தக்கது. இது குறித்து இந்தப் பாடலின் இசையமைப்பாளர் டி.இமான் தனது ட்விட்டர் பக்கத்தில், “ கடவுளின் பூமியில் உள்ள எல்லா தந்தைகளுக்கும் இந்தப் பாடல் சமர்பணம்” என தெரிவித்துள்ளார். இந்தப் பாடலை எழுதியவர் தாமரை. பாடியவர் சித் ஸ்ரீராம்.