பூஸ்டர் தடுப்பூசி செலுத்திக்கொண்டதாக பிரபல நடிகை தகவல்

நாடு முழுதுவதும் கரோனா மற்றும் ஒமைக்ரான் பாதிப்புகள் அதிகரித்து வருகின்றன. தமிழகத்தில் முன்களப் பணியாளர்கள், 60 வதுத்துக்கு மேற்பட்டோர், இணை நோய் உள்ளவர்களுக்கு தடுப்பூசி செலுத்தும் பணி தமிழகம் முழுவதும் நடைபெற்று வருகிறது. 

இந்த நிலையில் நடிகை ஸ்ரீபிரியா தான் பூஸ்டர் தடுப்பூசி செலுத்திக்கொண்டதாக தனது ட்விட்டர் பக்கம் மூலம் அறிவித்துள்ளார். நடிகை ஸ்ரீபிரியா தற்போது கமல்ஹாசனின் மக்கள் நீதி மய்யம் கட்சியில் முக்கிய பொறுப்பில் இருக்கிறார். 

இதையும் படிக்க | ''யார் காதலை முதலில் சொன்னது?'': விடியோ மூலம் ரசிகர்களுக்கு தெரிவித்த ஸ்ருதி ஹாசன்

நடிகை ஸ்ரீபிரியா நடிகையாக மட்டுமல்லாமல் சில படங்களை இயக்கவும் செய்துள்ளார். மலையாளத்தில் வெற்றிபெற்ற திரிஷ்யம் படத்தை அதே பெயரில் தெலுங்கில் நடிகர் வெங்கடேஷ் கதாநாயகனாக வைத்து இயக்கினார் என்பது குறிப்பிடத்தக்கது.