'மாட்னா காலி’ சந்தோஷ் நாராயணன் நடனத்தில் ’குலுகுலு’ பாடல்

‘குலுகுலு’ திரைப்படத்தில் இடம்பெற்றுள்ள ‘மாட்னா காலி’ பாடலின் விடியோ வெளியாகியுள்ளது.

மேயாத மான், ஆடை உள்ளிட்ட திரைப்படங்களை இயக்கியவர் இயக்குநர் ரத்னகுமார். மாஸ்டர், விக்ரம் உள்ளிட்ட படங்களுக்கும் வசனம் எழுதியுள்ளார்.

நீண்ட இடைவெளிக்குப் பின் ரத்னகுமார் இயக்கியுள்ள ’குலுகுலு’ திரைப்படத்தில் நடிகர் சந்தானம் கதாநாயகனாக நடித்துள்ளார். சந்தோஷ் நாராயணன் இசையமைத்துள்ளார். 

இப்படத்தின் டீசரைப் படக்குழுவினர் கடந்த ஜூலை 13 ஆம் தேதி வெளியிட்டனர். இந்நிலையில், இன்று சந்தோஷ் நாராயணன் நடனத்தில் ‘மாட்னா காலி..மாட்டாத வரை ஜாலி’ என்கிற பாடலை படக்குழுவினர் வெளியிட்டுள்ளனர்.

கடத்தல் தொடர்பாக உருவாகியுள்ள ‘குலுகுலு’ திரைப்படம் வருகிற ஜூலை 29 ஆம் தேதி திரையரங்குகளில் வெளியாக உள்ளது.