தனுஷுக்கு தோழியாக நடிக்கும் நித்யா மேனன்

மித்ரன் ஆர். ஜவஹர் இயக்கத்தில் திருச்சிற்றம்பலம் படத்தில் தனுஷுக்கு தோழியாக  நித்யா மேனன் நடிக்க இருப்பதாக அதிகாரப்பூர்வமான தகவல் வெளியாக இருக்கிறது. 

திருச்சிற்றம்பலம் படத்தில் தனுஷ், பிரகாஷ் ராஜ், பாரதிராஜா, நித்யா மேனன், ராஷி கண்ணா, பிரியா பவானி ஷங்கர் உள்ளிட்டோர் நடிக்கயுள்ளனர். மித்ரன் ஆர். ஜவஹர் இயக்கும் இந்தப் படத்திற்கு அனிருத் இசையமைக்கிறார். சன் பிக்சர்ஸ் படத்தைத் தயாரிக்கிறது. 

இந்நிலையில் படக்குழு படத்தின் கதாபாத்திரங்கள் கடந்த புதன்கிழமை முதல் ஒவ்வொன்றாக அறிமுகப்படுத்தி வருகிறது. அதன்படி தற்போது நித்யா மேனனின் கதாப்பாத்திரத்தை அறிமுகம் செய்தனர். ஷோபனா என்பது இவரது பெயராக தெரிவிக்கப்பட்டுள்ளது. 

ரஞ்சனி எனும் பெயரில் கிராமத்து தென்றலாக பிரியா பவானி ஷங்கரும், அனுஷ்கா எனும் பெயரில் பள்ளி தோழியாக ராஷி கண்ணாவும், பிரகாஷ் ராஜ் காவல்துறை அதிகாரி நீலகண்டனாகவும், பாரதிராஜா சீனியர் திருச்சிற்றம்பலமாகவும் நடிக்க உள்ளதாக படக்குழு தெரிவித்துள்ளது. 

இதையும் படிக்க: விக்ரம் வெற்றி: கமல் சிரஞ்சீவி சல்மான்கான் லோகேஷ் கனகராஜ் சந்திப்பு