''எதிர்போர் செயலுக்கும்...'': முதல்வர் மு.க.ஸ்டாலினுக்கு கமல்ஹாசன் வாழ்த்து

தமிழக முதல்வர் மு.க.ஸ்டாலின் இன்று (மார்ச் 1) தனது 69வது பிறந்த நாளைக் கொண்டாடி வருகிறார். இதனையடுத்து அவருக்கு பல்வேறு எதிர்கட்சி தலைவர்கள் திரையுலக பிரபலங்கள் வாழ்த்து தெரிவித்து வருகின்றனர். 

அந்த வகையில் நடிகர் கமல்ஹாசன் தனது ட்விட்டர் பக்கத்தில் தெரிவித்துள்ள வாழ்த்து செய்தியில், ''மனதிற்குகந்த நண்பர், தமிழக முதல்வர் மு.க.ஸ்டாலின் பிறந்தநாள் காண்கிறார். எதிர்ப்போர் கருத்துக்கும் இடமளித்து, தன் எண்ணத்துக்கும் செயலுக்கும் வலு கூட்டிச் செயல்படும் அவருக்கு என் நெஞ்சார்ந்த வாழ்த்து. நீடு வாழ்க'' என்று குறிப்பிட்டுள்ளார். 

இதையும் படிக்க | மீண்டும் ஒரு 'அண்ணாத்த'யா? 'வேதாளம்' ரீமேக் பட போஸ்டர் குறித்து ரசிகர்கள் கருத்து​

முன்னதாக முதல்வர் மு.க.ஸ்டாலின் தனது பிறந்தநாளையொட்டி மெரினாவிலுள்ள கருணாநிதி, அறிஞர் அண்ணா நினைவிடங்களில் மலர் தூவி மரியாதை செலுத்தினார். மேலும் பெரியார் திடலுக்கு சென்ற அவர், பெரியார் நினைவிடத்திலும் மரியாதை செலுத்தினார்.