7 ஆண்டுகளுக்கு பிறகு வெளியாகவிருக்கும் விஜய் சேதுபதி - விஷ்ணு விஷாலின் 'இடம் பொருள் ஏவல்'

விஜய் சேதுபதி - விஷ்ணு விஷால் நடிப்பில் உருவான இடம் பொருள் ஏவல் 7 ஆண்டுகளுக்கு பிறகு வெளியாகவிருக்கிறது. 

சீனு ராமசாமி இயக்கத்தில் விஜய் சேதுபதி - விஷ்ணு விஷால் நடிப்பில் உருவாகியுள்ள இடம் பொருள் ஏவல் திரைப்படம் கடந்த 2015 ஆம் ஆண்டே தயாராகிவிட்டது. ஆனால் கடன் பிரச்னை காரணமாக இந்தப் படம் வெளியாவதில் தொடர்ந்து தாமதமானதாக கூறப்பட்டது.  

தற்போது இந்தப் படம் விரைவில் வெளியாகும் என இயக்குநர் சீனு ராமசாமி அறிவித்துள்ளார். இதுகுறித்து இந்தப் படத்தை தயாரித்த திருப்பதி பிரதர்ஸ் நிறுவனம் வெளியிட்டுள்ள அறிக்கையில், இயக்குநர் என்.லிங்குசாமி வழங்கும் திருப்பதி பிரதர்ஸ் சார்பில் தேசிய விருது பெற்ற இயக்குநர் சீனு ராமசாமி அவர்களின் இயக்கத்தில் சாகித்ய அகாடமி விருது பெற்ற எஸ்.ராமகிருஷ்ணன் கதையில் இடம் பொருள் ஏவல் திரைப்படத்தை தயாரித்திருக்கிறோம். 

இதையும் படிக்க | போதைப் பொருள் சர்ச்சை - ரசிகர்களிடம் யுவன் கோரிக்கை

இந்தப் படத்தில் விஜய் சேதுபதி, விஷ்ணு விஷால், ஐஸ்வர்யா ராஜேஷ், நந்திதா, வடிவுக்கரசி ஆகியோர் நடித்திருக்கின்றனர். வைரமுத்துவின் பாடல்களுக்கு முதல் முறையாக யுவன் ஷங்கர் ராஜா இசையமைத்திருக்கிறார்.  

இடம் பொருள் ஏவல் படத்தை வெளியிட சென்னை உயர்நீதிமன்றம் உத்தரவு பிறப்பித்துள்ளது. ஆகையால் இப்படத்தை மிக விரைவில் வெளியிட தயாராக உள்ளோம் என்று குறிப்பிடப்பட்டுள்ளது.