செய்தி மடல்
இ-பேப்பர்
/
பா.ரஞ்சித் இயக்கத்தில் விக்ரம் நடித்துவரும் தங்கலான் பட டீசர் வெளியாகி வைரலாகி வருகிறது.
பா.ரஞ்சித் இயக்கத்தில் விக்ரம் நடித்துவரும் படத்தின் தலைப்பு அறிமுக விடியோ நேற்று (அக்டோபர் 23) வெளியாகி நல்ல வரவேற்பைப் பெற்றது. இந்தப் படத்துக்கு தங்கலான் எனப் பெயரிடப்பட்டுள்ளது.
கோலார் தங்க சுரங்கத்தில் தமிழர்கள் பட்ட துயரத்தை இந்தப் படம் பேசுவதாக கூறப்படுகிறது. டீசரிலும் உண்மை சம்பவத்தை அடிப்படையாகக் கொண்டு உருவாகும் படம் என்று அறிவிக்கப்பட்டுள்ளது. சுதந்திர போராட்ட காலத்தில் நடைபெறும் கதை என டீசர் மூலம் நமக்கு தெரிய வருகிறது.
இதையும் படிக்க | வதந்திகளைப் பொய்யாக்கிய 'வாரிசு' புதிய போஸ்டர்: ரசிகர்கள் உற்சாகம்
பொதுவாக பா.ரஞ்சித் படங்கள் வெளியானால்தான் சர்ச்சை உருவாகும் தற்போது தலைப்பு அறிவிப்பு டீசரிலேயே சர்ச்சை உருவாகியுள்ளது. டீசரில் நடிகர் பசுபதி பிராமணர் போல காட்சியளிக்கிறார்.
இதனையடுத்து பிராமணர் வில்லனாக காட்டப்படவுவதாக சலசலப்பு எழுந்தது. மற்றொருபுறம் டீசரை வைத்து முடிவுக்கு வருவது தவறு என ஆதரவான குரல்கள் எழுவதையும் பார்க்க முடிகிறது..
நீண்ட இடைவேளைக்கு பிறகு தமிழில் பார்வதி நடிப்பது அவரது ரசிகர்களுக்கு உற்சாகத்தை ஏற்படுத்தியுள்ளது. மேலும் மாளவிகா மோகனன், பசுபதி உள்ளிட்டோரும் முக்கிய வேடங்களில் நடிக்கின்றனர். ஜி.வி.பிரகாஷ் இந்தப் படத்துக்கு இசையமைக்கிறார்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
