ஜீவி 2 திரைப்படம் நேரடியாக ஓடிடியில் வெளியாகவுள்ளதாக அறிவிக்கப்பட்டுள்ளது.
வெற்றி நடிப்பில் கடந்த 2019 ஆம் ஆண்டு வெளியான ஜீவி படம் விமர்சன ரீதியாக நல்ல வரவேற்பைப் பெற்றது. விஜே கோபிநாத் இந்தப் படத்தை இயக்கியிருந்தார்.
கே.எஸ்.சுந்தரமூர்த்தி இந்தப் படத்துக்கு இசையமைத்திருந்தார். இந்தப் படத்தின் இரண்டாம் பாகம் தற்போது உருவாகியுள்ளது. இந்தப் படத்தையும் விஜே கோபிநாத் இயக்கியுள்ளார்.
இதையும் படிக்க | மீண்டும் இயக்குநராக களமிறங்கும் தம்பி ராமையா
முதல் பாகத்துக்கு பாபு தமிழ் கதை, வசனம் எழுதியிருந்தார். தற்போது உருவாகியுள்ள இரண்டாம் பாகத்துக்கு இயக்குநர் விஜே கோபிநாத் கதை வசனம் எழுதியுள்ளார்.
இந்தப் படத்தில் வெற்றி, கருணாகரன், அஸ்வினி சந்திரசேகர், ரோகினி, மைம் கோபி உள்ளிட்டோர் முக்கிய வேடங்களில் நடித்துள்ளனர். இந்தப் படம் நேரடியாக ஆஹா தமிழ் ஓடிடி தளத்தில் வெளியாகிறது.