'இந்தியன்' மீண்டும் வரார்... - காஜல் அகர்வால் வெளியிட்ட தகவல்

இந்தியன் 2 படத்தின் படப்பிடிப்பு விபத்து உள்ளிட்ட காரணங்களால் பாதியில் நிற்பது அனைவரும் அறிந்ததே. படம் கைவிடப்படுமோ என்று நினைக்கையில் விக்ரம் படத்தின் வெற்றி, தயாரிப்பு தரப்பை மீண்டும் இந்தியன் 2 படத்தைக் கையிலெடுக்க வைத்திருக்கிறது. 

இந்தப் படத்தில் நடித்து வந்த காஜல் அகர்வாலுக்கு திருமணம் முடிந்து குழந்தையே பிறந்துவிட்டது. இந்த நிலையில் இந்தியன் 2 படத்தில் அவர் நடிப்பாரா என்பது கேள்விக்குறியாக இருந்தது. 

இதையும் படிக்க | சிவகார்த்திகேயன், அதிதி நடிக்கும் மாவீரன்: படப்பிடிப்பு தொடக்கம் (படங்கள்)

இந்த நிலையில் இந்தியன் 2 படப்பிடிப்பு வருகிற செப்டம்பர் 13 ஆம் தேதி துவங்கவிருப்பதாகவும், தானும் அந்தப் படப்பிடிப்பில் கலந்துகொள்ளவிருப்பதாகவும் காஜல் அகர்வால் இன்ஸ்டாகிராம் நேரலையில் ரசிகர்களிடம் தகவல் பகிர்ந்துள்ளார்.

இந்தியன் 2 படத்தை முடித்துகொடுத்துவிட்டு, ராம் சரண் நடிக்கும் படத்தை ஷங்கர் தொடர்வார் என்று கூறப்படுகிறது. இதனால் கமல்ஹாசன் ரசிகர்கள் உற்சாகத்தில் இருக்கிறார்கள்.