நடிகை குஷ்பு தனது ட்விட்டர் பக்கத்தில் வலிமை படம் குறித்து தனது வாழ்த்துகளை பதிவு செய்துள்ளார். அவரது பதிவில், ''என்னுடைய ஜார்ஜ் க்ளூனே (அமெரிக்க நடிகர்) தல, உனக்கு மட்டும்தான் இப்படி கூட்டம் வருது.
அஜித், தயாரிப்பாளர் போனி கபூர், வினோத் உள்ளிட்ட படக்குழுவினருக்கு வாழ்த்துகள். ஹுமா குரேஷி இந்தப் படத்தில் சிறப்பாக நடித்திருப்பதாக கேள்விப்பட்டேன் என்று குறிப்பிட்டுள்ளார்.
வலிமை திரைப்படம் கலவையான விமர்சனங்களைப் பெற்றாலும் அஜித் ரசிகர்களை வெகுவாக கவர்ந்துள்ளது. இந்தப் படத்தின் சண்டைக்காட்சிகள், பைக் ரேஸ் காட்சிகளுக்கு நல்ல வரவேற்பு கிடைத்து வருகிறது.
போனி கபூர் தயாரித்துள்ள இந்தப் படத்தில் கார்த்திகேயா வில்லனாக நடிக்க, சுமித்ரா, ஹுமா குரேஷி, ராஜ் அய்யப்பா, புகழ் உள்ளிட்டோர் முக்கிய வேடங்களில் நடித்துள்ளனர். யுவன் ஷங்கர் ராஜா இந்தப் படத்துக்கு இசையமைக்க, ஜிப்ரான் பின்னணி இசையமைத்துள்ளார். நீரவ் ஷா இந்தப் படத்துக்கு ஒளிப்பதிவு செய்துள்ளார்.