இயக்குநர் ரத்னகுமார் இயக்கத்தில் நடிகர் சந்தானம் நடிக்கும் குலுகுலு திரைப்படத்தின் போஸ்டர் புதன்கிழமை வெளியானது.
மேயாத மான், ஆடை உள்ளிட்ட திரைப்படங்களை இயக்கியவர் இயக்குநர் ரத்னகுமார். நீண்ட இடைவெளிக்குப் பின் ரத்னகுமார் இயக்கியுள்ள படத்தில் நடிகர் சந்தானம் கதாநாயகனாக நடிக்கிறார். நாடோடி பயணத்தை அடிப்படையாக வைத்து உருவாகிவரும் இந்தத் திரைப்படத்திற்கு இசையமைப்பாளர் சந்தோஷ் நாராயணன் இசையமைக்கிறார். தயாரிப்பாளர் ராஜ் நாராயணன் தயாரிக்கிறார்.
இந்நிலையில் இந்தத் திரைப்படத்தின் மோஷன் போஸ்டர் புதன்கிழமை வெளியானது. மாறுபட்ட கதைக்களத்தைக் கொண்ட இந்தத் திரைப்படத்தின் டைட்டில் மோஷன் போஸ்டருக்கு ரசிகர்கள் வரவேற்பு தெரிவித்து வருகின்றனர்.