நடிகா் ரஜினிகாந்துடன் கமல் சந்தித்த புகைப்படம் ட்விட்டரில் டிரெண்டாகி வருகிறது. விக்ரம் படத்தை முன்னிட்டு இந்த சந்திப்பு நடந்துள்ளதாகக் கூறப்படுகிறது.
‘கைதி’, ’மாஸ்டா்’ உள்ளிட்ட திரைப்படங்களைத் தொடா்ந்து லோகேஷ் கனகராஜ் இயக்கும் படம் ‘விக்ரம்’. இந்தப் படத்தில் கமல்ஹாசன், விஜய் சேதுபதி, ஃபஹத் பாசில் உள்ளிட்ட முன்னணி நடிகா்கள் நடித்துள்ளனா். படத்தின் படப்பிடிப்பு கடந்த ஆண்டு ஜூலை மாதம் தொடங்கியது. 8 மாதங்களில் படப்பிடிப்பு முடிந்துள்ளது.
அனிருத் இசையமைத்துள்ள இந்தப் படத்துக்கு க்ரிஷ் கங்காதரன் ஒளிப்பதிவு செய்துள்ளாா். கமல்ஹாசனைப் பொருத்தவரை அவா் கடைசியாக 2018-ஆம் ஆண்டு விஸ்வரூபம்-2 படத்தில் நடித்திருந்தாா். அதன்பின் அரசியலுக்கு திரும்பியவா், படத்தில் நடிப்பதிலிருந்து விலகியிருந்தாா். அதன்பின், தற்போது 4 ஆண்டுகள் கழித்து அவருடைய படம் வெளியாக உள்ளதால் ரசிகா்கள் பெரும் எதிா்பாா்ப்புடன் படத்தை எதிா்நோக்கியுள்ளனா்.
ஜூன் 3-ஆம் தேதி வெளியாகும் இந்தப் படத்துக்கான புரமோஷன் பணிகள் நடைபெற்று வருகின்றன. இந்தநிலையில், நடிகா் ரஜினிகாந்தை கமல்ஹாசன் நேரில் சந்தித்துள்ளாா். இயக்குநா் லோகேஷ் கனகராஜும் ரஜினிகாந்தை சந்தித்துப் பேசியுள்ளாா். இது தொடா்பான புகைப்படங்கள் சமூகவலைதளங்களில் வைரலாகி வருகின்றன.
இது குறித்து லோகேஷ் கனகராஜ் தனது ட்விட்டா் பக்கத்தில், ’ரஜினி, கமல்ஹாசன் இருவருக்கும் நன்றி. ‘உங்கள் இருவரின் நட்பு எங்களுக்கு உத்வேகம் அளிக்கிறது’ என பதிவிட்டுள்ளாா்.