வெளியாவதற்கு முன்பே சாதனை புரிந்த துணிவு!

துணிவு திரைப்படம் வெளியாவதற்கு முன்பே தன் சாதனையை துவங்கியுள்ளது.

நடிகர் அஜித் குமார், இயக்குநர் வினோத், தயாரிப்பாளர் போனி கபூர் ஆகியோர் 3-வது முறையாக இணைந்துள்ள படம் 'துணிவு'. பஞ்சாபில் நடைபெற்ற வங்கி்க் கொள்ளையை அடிப்படையாகக் கொண்டு இந்தப் படம் உருவாகியுள்ளது. 

இதையும் படிக்க: வாரிசு படக்குழுவினருக்கு விலங்குகள் நல வாரியம் நோட்டீஸ்

இப்படத்திற்கு ஜிப்ரான் இசையமைக்க, நீரவ் ஷா ஒளிப்பதிவு செய்துள்ளார். மஞ்சு வாரியர் முக்கிய வேடத்தில் நடித்துள்ளார். இந்தப் படத்தின் படப்பிடிப்பு பணிகள் அனைத்தும் முடிவடைந்து தற்போது டப்பிங் பணிகள் நடைபெற்று வருகின்றன. 

இந்நிலையில், படங்களை திரையரங்குகளில் பார்க்க முன்பதிவு செய்யப்படும் செயலியான ‘புக் மை ஷோ’வில்(book my show) துணிவு இதுவரை 3 லட்சம் விருப்பங்களைப் பெற்று சாதனை புரிந்துள்ளது. 

படத்தின் வெளியீட்டிற்கு இன்னும் 2 மாதங்கள் இருக்கும் நிலையில் மேலும் இந்த எண்ணிக்கை அதிகரிக்கும் என்பதால் துணிவு தன் சாதனையை துவங்கிவிட்டது.