சிம்பு முதன்முறையாக ஹிந்தியில் பாடிய பாடல் தற்போது வெளியாகி நல்ல வரவேற்பை பெற்றுவருகிறது.
மங்காத்தா, சென்னை 28 2 போன்ற படங்களில் நடித்த மகத் ஹிந்தியில் அறிமுகமாகியுள்ள படம் டபுள் எக்ஸ்எல். இந்தப் படத்தில் சோனாக்ஷி சின்ஹா, ஹூமா குரேஷி ஆகியோர் முதன்மை வேடத்தில் நடித்துள்ளனர்.
சத்ரம் ரமணி இயக்கியுள்ளார். இதன் ஒரு பகுதியாக இப்படத்துக்காக நடிகர் சிம்பு பாடிய பாடல் தற்போது வெளியிடப்பட்டுள்ளது. நடிகர் சிம்புவும் மகத்தும் நண்பர்கள் என்பதால் நட்புக்காக அவர் இந்தப் பாடலை பாடியுள்ளார்.
இதையும் படிக்க | தோனி தயாரிப்பில் விஜய் உடன் இணையும் சூப்பர் ஸ்டார்?
இதற்காக நடிகர் மகத் சிம்புவுக்கு தனது ட்விட்டர் பக்கம் வாயிலாக நன்றி தெரிவித்துள்ளார். அவரது பதிவில், எனக்கு எப்பவும் முன்னோடியாக, வழிகாட்டியாக நல்ல நண்பனாக இருந்திருக்கிறாய். என் இலக்கை அடைவதற்கு உதவிய உனக்கு நன்றி. லவ் யூ மச்சா என்று குறிப்பிட்டுள்ளார். டபுள் எக்ஸ்எல் திரைப்படம் வருகிற 4 ஆம் தேதி திரைக்குவரவிருக்கிறது.