அமிதாப் பச்சன், ராஷ்மிகா மந்தனா நடித்த ஹிந்தி படமான ‘குட்பை’ (Goodbye) படத்தின் டிரைலர் வெளியாகியுள்ளது.
ராஷ்மிகா மந்தனா, அமிதாப் பச்சன், நீனா குப்தா ஆகியோர் நடித்த ஹிந்தி படமான ‘குட்பை’ (Goodbye) திரைப்படத்தினை குயின், சூப்பர் 30 ஆகிய படங்களை இயக்கிய இயக்குநர் விகாஸ் பால் இயக்கி இருக்கிறார். ரிலையன்ஸ் எண்டர்டெயின்மென்ட் தயாரித்துள்ளது.
நேற்று படத்தின் புதிய போஸ்டரை படக்குழுவினர் வெளியிட்டிருந்தனர். தற்போது படத்தின் டிரைலர் வெளியாகியுள்ளது.
இந்தப் படம் குடும்பத்தைப் பற்றி எடுக்கப்பட்டுள்ளது. வாழ்க்கையில் மகிழ்ச்சி துக்கம் என்பது இருந்தாலும் குடும்பத்தில் ஒருவருக்கொருவர் முக்கியம் என்பதை சொல்லியிருக்கிற படமாக இருக்கும் என தகவல் வெளியாகியுள்ளது.
இந்தப் படம் அக்டோபர் மாதம் 7ஆம் தேதி திரையரங்கில் வெளியாக இருக்கிறது.