ஜெயிலர் வெளியீடு எப்போது?

ஜெயிலர் படத்தின் வெளியீட்டுத் தேதி மாற்றப்பட்டுள்ளதாக தகவல் வெளியாகியுள்ளது.

நடிகர் ரஜினிகாந்த் தற்போது நெல்சன் இயக்கத்தில் ஜெயிலர் படத்தில் நடித்து வருகிறார். ரம்யா கிருஷ்ணன், யோகி பாபு, விநாயகன் உள்ளிட்டோரும் நடிக்கின்றனர்.

படத்துக்கு அனிருத் இசையமைக்க சன் பிக்சர்ஸ் தயாரித்து வருகிறது. சமீபத்தில் இந்தப் படத்தில் வில்லனாக நடித்து வரும் கன்னட சூப்பர் ஸ்டாரான ஷிவ ராஜ்குமார், சிறப்பு கதாபாத்திரத்தில் நடிக்கவுள்ள மலையாள சூப்பர் ஸ்டார் மோகன் லால் ஆகியோரின் தோற்ற புகைப்படத்தையும் சன் பிக்சர்ஸ் நிறுவனம் வெளியிட்டிருந்தது. 

இதையும் படிக்க: கமல் - மணிரத்னம் படத்தின் படப்பிடிப்பு எப்போது?

இப்படம் முதலில் ஏப்ரல் மாதம் திரைக்கு வரும் என எதிர்ப்பார்க்கப்பட்டது. இந்நிலையில், படப்பணிகள் தாமதாக நடைபெற்று வருவதால் இந்தாண்டு விநாயகர் சதுர்த்தியை முன்னிட்டு திரைக்குக் கொண்டு வர படக்குழுவினர் முடிவு செய்துள்ளதாக தகவல் வெளியாகியுள்ளது.