பிக் பாஸ் வீட்டுக்கு சென்ற ரவீனாவின் உறவினர் ஒருவர் விதிகளை மீறியதால் பாதியிலேயே வெளியேற்றப்பட்டார்.
விஜய் தொலைக்காட்சியில் ஒளிபரப்பாகும் பிக் பாஸ் சீசன் 7 நிகழ்ச்சி 10-வது வாரத்தை எட்டியுள்ளது. நடிகர் கமல்ஹாசன் தொடர்ந்து 7-வது முறையாக தொகுத்து வழங்கி வருகிறார்.
பிக் பாஸ் நிகழ்ச்சி 80 நாள்களை கடந்துள்ல நிலையில், இதுவரை 12 பேர் பிக் பாஸ் நிகழ்ச்சியில் இருந்து வெளியேறியுள்ளனர். தற்போது பிக் பாஸ் வீட்டில் 11 போட்டியாளர் உள்ளனர்.
இந்த வாரம் ‘ஃபிரீஸ் டாஸ்க்’ நடைபெற்று வருகிறது. அதில், போட்டியாளர்களின் குடும்ப உறுப்பினர்கள் பிக் பாஸ் வீட்டுக்கு வருகின்றனர்.
இந்நிலையில், பிக் பாஸ் வீட்டுக்கு இன்று வருகை தரும் ரவீனாவின் உறவினர் ஒருவர், மணியுடன் ஒன்றாக இருப்பதாக ரவீனாவை கடுமையாக கண்டிக்கும் முதல் ப்ரோமோ வெளியானது.
இதையும் படிக்க | 'உன்னை அறைஞ்சிருப்பேன்': ரவீனாவை கண்டித்த பெற்றோர்!
இரண்டாவது ப்ரோமோவில், வெளியில் நடக்கும் விஷயங்களை ரகசிய குறியீட்டை பயன்படுத்தி ‘கோட் ரெட்’ என்று ரவீனாவிடம் அவரது உறவினர் ஒருவர் பேசுகிறார்.
இதனைத் தொடர்ந்து, விதிமுறைகளை மீறி வெளியே நடப்பதை கூறியதால், பிக் பாஸ் வீட்டைவிட்டு உடனடியாக வெளியேறும்படி ரவீனாவின் உறவினரிடம் பிக் பாஸ் கூறுவது போன்று இரண்டாவது ப்ரோமோ வெளியாகியுள்ளது.
பிக் பாஸ் வரலாற்றில் விதிமுறைகளை மீறியதற்காக குடும்பத்தினரை பாதியில் வெளியே அனுப்பியது இதுதான் முதல் முறை.